Над 21.000 казни изречени за сообраќајни прекршоци во текот на месец Мај

Во рамките на засилените сообраќајни контроли на патиштата низ државата, Министерството за внатрешни работи информира дека во текот на мај полициските службеници издале вкупно 21.178 платни налози, претежно врз основа на прекршоци согласно Законот за безбедност на сообраќајот на патиштата (ЗБСП).

Најчестите прекршоци се однесуваат на:

Непрописно паркирање – 5.480 казни

Возење со брзина поголема од дозволената – 5.458 казни

Управување без возачка дозвола – 2.114 казни

Дополнително, за време на мај биле санкционирани и:

527 пешаци

6 возачи на електрични тротинети

7 велосипедисти

775 возачи за користење мобилен телефон при возење

1.203 казни за неносење сигурносен појас

744 моторциклисти за неносење заштитна кацига

Според податоците на МВР, санкции добиле и:

567 возачи за управување под дејство на алкохол

113 возачи за минување на крстосница на црвено светло

Покрај ЗБСП, биле изречени и мерки по Законот за возила, вклучително:

153 казни за технички неисправни возила

500 казни за учество во сообраќај со нерегистрирани возила

Од МВР најавуваат дека сообраќајните контроли ќе продолжат и во наредниот период, и упатуваат апел до граѓаните да ги почитуваат сообраќајните правила и прописи. Само со одговорно учество во сообраќајот, велат од Министерството, може заеднички да се придонесе кон поголема безбедност и посигурни патишта за сите.