СТРУМИЦА ГО ГАСНЕШЕ ПОЖАРОТ ВО ДОБРАШИНЦИ – ИАКО НЕ Е НЕЈЗИНА ОБВРСКА

Цела недела, пожарникарите од ТППЕ Струмица и вработените од ЈПКД Комуналец Струмица се бореа со пожарот кој избувна на депонијата во селото Добрашинци.

🔥 Иако локацијата не е под надлежност на Општина Струмица, струмичките служби повторно се покажаа на дело – со цел да се заштитат граѓаните од чадот и загадувањето кое го зафати регионот.

👨‍🚒 Градоначалникот Костадин Костадинов јавно изрази благодарност до службите и до струмичките даночни обврзници, кои преку своите средства ја поддржуваат секоја ваква интервенција.

🛑 Но тој испрати и остар апел:

„Бараме итна истрага од државните инспекторати. Ова не е првпат да се пали оваа депонија. Некој мора да одговори. Дали некој свесно го труе народот?“

📣 Од Општина Струмица порачуваат дека нема да молчат и дека ќе продолжат да реагираат – дури и таму каде што другите институции молчат.

„Повторно Струмица најде решение – како и секогаш досега“, истакна градоначалникот.

✍️ Редакција на ПОРТАЛ ТВ КАНАЛ ВИС

📍 Добрашинци, јуни 2025

📸 Фото: Општина Струмица / архива