ВО ГРАДИНКАТА „ДЕТСКА РАДОСТ“ – ГРАДОНАЧАЛНИКОТ КОСТАДИНОВ ПОКАЖА ДЕКА ВОДСТВОТО СЕ МЕРИ СО ДЕЛА, НЕ СО ПРАЗНИ ЗБОРОВИ

Струмица, 16 јуни – Денеска, без големи најави, без медиумска помпа, но со огромна човечност и јасна порака, градоначалникот Костадин Костадинов ја посети детската градинка „Детска Радост“. Но ова не беше само обична посета. Ова беше симболично враќање таму каде што започнала неговата лична и вредносна изградба – токму во истата градинка каде како дете ги чекорел првите чекори во животот.

На изненадување на вработените, градоначалникот побара да го проба оброкот на дечињата – приготвеното гравче. Тоа не беше протоколарен гест. Тоа беше порака: „Она што го давам за туѓите деца, мора да биде доволно добро и за моето.“ Во време кога многумина раководат од дистанца, Костадинов седна со децата, ручаше со нив, разговараше, се насмеа, и се потсети на сопственото детство, на првите другарства и првите симпатии – на истите оние креветчиња што денес му будат спомени и одговорност.

Во разговор со директорката Фроска Хаџитосева и целиот тим од воспитувачки, негувателки, хигиеничарки и готвачки, градоначалникот со длабоко почитување упати јавна благодарност за нивниот труд.

„Овие жени не се само вработени – тие се тивките хероини на Струмица. Тие се првата ткаенина од која се ткае карактерот на новите генерации,“ изјави Костадинов.

И додека институциите на Владата предводена од ВМРО-ДПМНЕ се обидуваат со административен инает да попречат нормално функционирање на градинките, Костадинов порача јасно и недвосмислено:

📣 „На грбот на децата нема да дозволам никој да прави политика! Не додека сум јас градоначалник!“

Решение има, и покрај опструкциите. Затоа што кога зад управувањето стои волја, љубов и достоинство – секоја пречка е минлива.

Оваа посета беше повеќе од гест – беше потсетник што значи вистинско лидерство. Во Струмица, градот на редот, грижата и иднината – Костадинов уште еднаш покажа зошто е човекот кому народот му верува.